唔想撞板?見工必讀!

向下

唔想撞板?見工必讀!

發表  LTU 于 周四 9月 13, 2012 12:03 pm

如果你想增加見工成功的機會,必睇以下注意事項!

見工前準備:

。見工服裝

要視乎你去見咩類型嘅工,例如:文員、銀行等等,要著得formal啲同斯文啲;廣告、雜誌社等等,可以著smart casual 。大家揀衫之前可以參考以下的tips:

**特別鳴謝G2000提供以下見工服裝tips**

恤衫
*淨色方面:
白色:乾淨整齊
粉色 (淺紅/淺紫/淺藍/淺綠):較年輕斯文
深色 (灰/藍): 較專業大方

*單色簡潔的條子都給予人專業整齊的印象。

*Ruffles 會給予人女性化的感覺,但要handle 得宜,面試時如果穿着太誇張的ruffle 只會令人大吃一驚。另外上身較豐滿的女生都不適宜穿ruffle部分較大的恤衫,否則會感覺臃腫 。

西裝褸、裙子、褲子配搭
*腿長的女生最方便,穿裙子或褲子都沒問題。
*裙子切忌太短,宜穿H形。不宜穿傘形,因為感覺太casual。
*腿瘦女生,可以選擇直腳褲款,會顯得腳形修長一點。另外鬱金香形裙子都適合瘦削女生。
*腿粗的女生,盡量避免穿裙子或太貼身的褲,可以穿闊腳褲襯高跟鞋,以拉長腿部線條。
*若見行政人員的工作,選擇褲子時盡量最好不要選擇7分吊腳褲,為表示莊重,上身應配襯西裝褸。
*身型較高佻的女生可以選擇較中性和形格的boy friend cut 西裝褸,下身穿著9分褲或長西褲。
*身材偏矮小的話,西裝褸宜揀正常款式,合身就好,不要過長或過大件。

質地
*今季大熱的雪紡,給人溫柔女性化、斯文大方的感覺。
*盡量不要選擇太透薄的物料,以免令對方尷尬。
*避免選擇麻質物料,因為易縐,會影響觀感。

。見工妝容

可以參考以下兩篇beauty steps文章:
「打造精神奕奕的自然妝容」http://www.cosmogirl.com.hk/beauty/beauty-steps/natural-shape-loo
「Brown Tone增添成熟魅力!」http://www.cosmogirl.com.hk/beauty/beauty-steps/brown-tone-mature-look

。做足功課

見工前先了解去見嗰間公司的背景、業務、規模等等,最基本嘅資料就一定要知。另外,亦都要了解一下你見嘅職位大概要做啲乜,否則如果對方問起你,你到時口啞啞唔識答,人哋會覺得你無誠意、無做足功課,就一定扣你分!

。自我介紹

除了基本資料之外,你要講一啲可以突出自己嘅事去impress到對方,令對方對你留下深刻印象,例如:你在話題中順帶提一提你已經學咗芭蕾舞17年,咁樣會令對方覺得你係一個有恆心、有毅力嘅人,考慮人選時更容易記起你。

。見工原因

諗清楚點解自己想做呢份工,要令對方覺得你係對份工有興趣、有熱誠,而唔係想隨便搵份工就算。

見工當日:

。避免家長陪同

唔好俾你家長陪你去見工,如果家長堅持要陪你去,都千祈唔好送你去到公司附近嘅範圍,因為你永遠都唔會知道你撞到啲咩人,如果俾人知道你有家長陪見工,只會覺得你唔夠獨立。

。早到15分鐘

必須於見工時間15分鐘或以前到達該公司,一定唔可以遲到!而且喺reception等緊見工時唔好玩電話、講電話消磨時間,因為會俾人覺得你唔尊重、無耐性,而且嗰個moment應該平靜自己,準備一下見工的心情。

。關掉電話聆聲

記住將手提電話的聆聲關掉,萬一你真係唔記得咗較震機,而又有人打俾你,你千祈唔好接電話,並將電話較返震機,然後同對方道歉。

。唔清楚要主動問

有啲公司會要求你做task(如written test、翻譯等等),如果你對個task有任何疑問,都應該問清楚,唔好「懶醒」。例如:對方叫你寫一篇文章,你唔知應該寫中文定英文,就記住要問清楚喇!


CG! Reminds U:

見工唔成並不是天塌下來的大事,世界亦不會因此而末日,所以唔好因為幾次見工不成而氣餒!你應該做的是:

1. 收拾好失望嘅心情,檢討自己可以改進的地方,例如對相關行業多了解,做part time又好、義工又好,去增取相關的工作經驗。保持一種諗法:對方無揀你,總有啲原因。

2. 從另一個角度諗,得唔到呢份工,可能真係因為你未ready好去迎接這份工作,勉強獲得取錄,將來反而會帶來更多矛盾及掙扎。

記住,唔好因為被拒絕而打沉自己,繼續努力,當時機一到,自然有機會俾你發揮所長!

LTU
Admin

文章數 : 137
注冊日期 : 2012-07-27
年齡 : 31

檢視會員個人資料 http://kaixa.forumotion.com

回頂端 向下

回頂端


 
這個論壇的權限:
無法 在這個版面回復文章