我係人,唔係脂肪,,,,,,,,,

向下

我係人,唔係脂肪,,,,,,,,,

發表  LTU 于 周四 9月 13, 2012 2:14 pm

脂肪成為現代女性頭號大敵,十個女人,十五個話要減肥,而且沒有瘦只有更瘦及再瘦,體形適中還要努力,不幸正值「脹爆」時期,節食、運動、做機樣樣齊。Stop!淨係識減肥,到底你有無將自己等價為一團脂肪?





瘦女大晒?


香港審美觀可算數一數二畸形,肥瘦同靚唔靚無必然關係,但係大家硬是喜愛ASAP 「as slim as possible」。所謂肥美肥美,長久以來肥就係美,你幾時聽過得棚骨的女人先會得男人歡心?係的話,吹氣瑪莉就唔會係「圓潤彈性狀」而係「bio lab式骨骼模型」啦。


脂肪,女神必備
講得最多的「西洋油畫全是肥妞」好可能長期遭受「sorry,我唔係古代人」的反駁,但現代人又唔見得只係鐘意瘦。鏡頭一轉去到南美,下圍巨大豐腴的女性先稱得上索女,再轉去中東,肚腩肥到擠肉的女性先做到靚靚的肚皮舞娘。在其他文化眼中,適當的脂肪方為女神必備。





先要自我正視


鏡頭轉回香港,即時媽聲四起。「呢度係香港!」「咪又係減比班男人睇!」「外國月亮咁圓,你唔好係香港住啦!」冷靜,其實只係想講肥胖本身係無錯,甚至可以加分,只不過大家習慣市場主導,於是就埋沒了正視自我的閒暇。


減得有道理?


當然,是否自覺肥胖和有沒有需要減肥是個人決定,但當中必須有一種接受的態度。很多時女性自感肥胖並不是因為真正肥胖,只是對自我價值及自身形象存在一種否定,不滿意自己、不真正完全接受自己,因此沉醉於減肥可能增加個人價值、滿足感及被愛這個事實。


別讓減肥成為眼疾


否定不一定是改進的動力,也可以是一種自我傷害的表現,而受傷的心靈時常會在一種困局之中打轉,看不穿自己真正想追求的東西。畢竟價值、滿足及愛才是主要目的,絕不是減肥過程之中的自我約束、懲罰及虐待。





自我擁抱


今晚在靜下來,細心思考、感受一下自己對自己的接受程度,不論當下是肥或瘦,也先全盤接受自己的形象,然後下一步才思考是否要減肥吧,但筆者相信,一個人的生命決不等如一團脂肪,而找到價值及愛的方法,還有很多。

LTU
Admin

文章數 : 137
注冊日期 : 2012-07-27
年齡 : 31

檢視會員個人資料 http://kaixa.cool5site.com

回頂端 向下

回頂端


 
這個論壇的權限:
無法 在這個版面回復文章